धक्कादायक! बेकायदा भरतीतून १६.८५ लाखांची वसुली; धुळ्यात एसीबीची निवृत्त प्रकल्प संचालकावर कारवाई
धक्कादायक! बेकायदा भरतीतून १६.८५ लाखांची वसुली; धुळ्यात निवृत्त प्रकल्प संचालकाविरोधात एसीबीची मोठी कारवाई
धुळे | प्रतिनिधी
धुळे येथील कृषी तंत्रज्ञान व्यवस्थापन यंत्रणा (आत्मा) कार्यालयातील भरती प्रक्रियेत मोठा गैरव्यवहार उघडकीस आला असून निवृत्त प्रकल्प संचालक बबन नथ्थु पाटील यांच्याविरोधात लाचलुचपत प्रतिबंधक विभागाने (ACB) गुन्हा दाखल केला आहे. गट तंत्रज्ञान व्यवस्थापक (BTM) आणि सहायक तंत्रज्ञान अधिकारी (ATM) पदांच्या भरती प्रक्रियेत नियमांचे उल्लंघन करून उमेदवारांकडून लाखो रुपयांची वसुली करण्यात आल्याचा आरोप आहे.
लाचलुचपत प्रतिबंधक विभागाने केलेल्या चौकशीत २०१६ मध्ये भरती प्रक्रियेदरम्यान उमेदवारांकडून त्यांच्या पालकांच्या बँक खात्यांमार्फत तब्बल १६ लाख ८५ हजार रुपये जमा करून घेण्यात आल्याचे समोर आले आहे. शासनाने करार तत्त्वावरील नियुक्त्यांवर निर्बंध घातलेले असतानाही त्या आदेशांकडे दुर्लक्ष करून नियुक्त्या करण्यात आल्याचा ठपका ठेवण्यात आला आहे.
बनावट नियुक्तीपत्रांचाही आरोप
चौकशी अहवालानुसार, उमेदवारांना नियुक्ती देण्यासाठी बनावट नियुक्तीपत्रे तयार करण्यात आली. त्याद्वारे BTM आणि ATM पदांवर नियमबाह्य नियुक्त्या करून शासनाची फसवणूक करण्यात आल्याचे निष्पन्न झाले आहे. या प्रक्रियेत संबंधित अधिकाऱ्यांनी पदाचा गैरवापर करून स्वतःस आर्थिक लाभ मिळविल्याचा आरोप करण्यात आला आहे.
विविध कलमांखाली गुन्हा दाखल
या प्रकरणी मोहाडी पोलीस ठाण्यात भ्रष्टाचार प्रतिबंधक अधिनियम तसेच भारतीय दंड विधानातील विविध कलमांखाली गुन्हा दाखल करण्यात आला आहे. एसीबीचे पोलीस उपअधीक्षक सचिन साळुंखे यांच्या नेतृत्वाखाली चौकशी करण्यात आली असून पुढील तपास पोलीस निरीक्षक यशवंत बोरसे करत आहेत.
एसीबीचे नागरिकांना आवाहन
दरम्यान, कोणत्याही शासकीय अथवा निमशासकीय कार्यालयात कामासाठी लाचेची मागणी होत असल्यास नागरिकांनी तत्काळ लाचलुचपत प्रतिबंधक विभागाशी संपर्क साधावा, असे आवाहन विभागाकडून करण्यात आले आहे.
ANN – Accurate News Network
🟥 Truth First | Fast & Accurate Reporting
🌍 महाराष्ट्र तसेच भारत आणि जगभरातील ताज्या घडामोडी आता एका विश्वासार्ह प्लॅटफॉर्मवर.
ANN – Accurate News Network घेऊन येत आहे:
✔ Breaking News
✔ Political Updates
✔ Crime Reports
✔ Social & Viral Stories
✔ Entertainment & Sports
✔ Ground Reporting
✔ Live Updates
