मोठी बातमी! महापौर रितू तावडेंची घोषणा; ठाकरेंच्या शिवसेनेतील विशाखा राऊतांचे नगरसेवकपद रद्द

विशाखा राऊत यांच्या नगरसेवकपदाची मुंबई महापालिकेत औपचारिक घोषणा – BMC corporator disqualification

BMC corporator disqualification मुंबई : मुंबई महानगरपालिकेतील विद्यमान नगरसेवक आणि माजी महापौर विशाखा राऊत यांचे नगरसेवकपद रद्द करण्यात आले आहे. जात प्रमाणपत्र अवैध ठरल्याच्या प्रकरणात महापौर रितू तावडे यांनी महानगरपालिकेच्या सर्वसाधारण सभेत याबाबतची अधिकृत घोषणा केली. राज्याच्या नगरविकास विभागाने शुक्रवारीच यासंदर्भातील अधिसूचना जारी केली होती, त्यानुसार सभागृहात औपचारिकता पूर्ण करण्यात आली.

विशाखा राऊत या मुंबई महापालिकेतील अनुभवी नगरसेविका म्हणून ओळखल्या जातात. त्यांचे पद रद्द होणे हा शिवसेना ठाकरे गटासाठी मोठा राजकीय धक्का मानला जात आहे. पालघर जिल्हा जात पडताळणी समितीने विशाखा राऊत यांचे जात प्रमाणपत्र अवैध ठरविल्यानंतर त्यांच्या नगरसेवकपदावर अपात्रतेची टांगती तलवार होती. BMC corporator disqualification संदर्भातील माहिती येथे दिली आहे.

अपात्रतेची प्रक्रिया आणि न्यायालयीन लढाई – BMC corporator disqualification

जात पडताळणी समितीच्या निर्णयाच्या आधारे मुंबई महापालिका आयुक्तांनी राज्य सरकारशी पत्रव्यवहार करून राऊत यांच्याविरोधात अपात्रतेची प्रक्रिया सुरू करण्याची मागणी केली होती. या प्रक्रियेला राऊत यांनी उच्च न्यायालयात आव्हान दिले होते. मात्र, न्यायालयाकडून त्यांना दिलासा न मिळाल्याने अखेर महापालिकेच्या सभागृहात औपचारिक घोषणा करण्यात आली. BMC corporator disqualification संदर्भातील माहिती येथे दिली आहे.

विशेष बाब म्हणजे मुंबई महापालिकेतील एकूण 79 नगरसेवकांविरुद्ध सध्या न्यायालयात आव्हान देण्यात आले आहे. याचिकांद्वारे न्यायालयात आव्हान देण्यात आलेल्यांपैकी सर्वाधिक 22 नगरसेवक ठाकरेंच्या शिवसेनेचे आहेत. त्यानंतर भारतीय जनता पक्षाचे 16, काँग्रेसचे 10, शिंदे गटाच्या शिवसेनेचे 7, एमआयएमचे 3 आणि मनसेच्या 2 नगरसेवकांविरुद्ध याचिका दाखल करण्यात आली आहेत.

आतापर्यंत पाच नगरसेवकांची पदे रद्द

मुंबई महापालिकेतील एकूण 79 नगरसेवकांच्या निवडीला कोर्टात आव्हान देण्यात आले असून आतापर्यंत पाच नगरसेवकांचे पद रद्द झाले आहे. उमेदवारी अर्ज दाखल करताना खोटे आणि चुकीचे जात प्रमाणपत्र सादर करणे, संपत्तीची माहिती लपवणे, गुन्हेगारी पार्श्वभूमी लपवणे अशा विविध आरोपांच्या आधारे पराभूत उमेदवारांनी विजयी नगरसेवकांविरुद्ध याचिका दाखल केल्या आहेत.

महापालिकेच्या सभागृहात किशोरी पेडणेकर यांचा संताप

दरम्यान, मुंबई महापालिकेच्या सर्वसाधारण सभेत सत्ताधारी आणि विरोधकांमध्ये चांगलाच गोंधळ पाहायला मिळाला. महापालिका शाळांमधील लाखो विद्यार्थ्यांना शालेय साहित्य वाटप करण्यात झालेला विलंब आणि जेम पोर्टल खरेदीतील गोंधळ या प्रकरणांवर विरोधी पक्षनेत्या किशोरी पेडणेकर यांनी सभागृहात निवेदन मांडले.

पेडणेकर यांनी सभागृहात भाषण करताना सभागृह नेत्यांना लक्ष्य केले. “सभागृह नेते यांना मी आदरपूर्वक मानते, पण ते जर अंगावर येणार असतील तर हे बरोबर नाही,” असे म्हणत त्यांनी सभागृह नेत्यांच्या भूमिकेवर आक्षेप घेतला.

सभागृह नेते गणेश खणकर यांचा पलटवार

विरोधी पक्षनेत्यांच्या टीकेनंतर भारतीय जनता पक्ष नेते तथा सभागृह नेते गणेश खणकर यांनी जोरदार पलटवार केला. “नीतिमत्ता आमच्यात शिल्लक आहे, आजही मुंबई बघते की कोण गोंधळ घालत आहे. आमच्या घरी सुद्धा आमच्या बहिणी आहेत, दुसरे बोलत असताना ऐकण्याची क्षमता ठेवा,” असे खणकर यांनी सभागृहात सांगितले.

या वादानंतर महापौर रितू तावडे यांनीही सभागृहात हस्तक्षेप केला. “एका विषयावर चार तास घालवू नका, सगळ्यांना बोलायला दिले पाहिजे. गोंधळ झाला की बऱ्याच गोष्टी शिल्लक राहतात,” असे म्हणत त्यांनी कामकाज पुढे नेण्याचे सूचवले.

राजकीय वातावरण तापले

विशाखा राऊत यांच्या नगरसेवकपद रद्द होण्याच्या घडामोडीमुळे मुंबई महापालिकेतील राजकीय वातावरण अधिकच तापले आहे. शिवसेना ठाकरे गटासाठी हा मोठा धक्का असल्याचे बोलले जात आहे. दरम्यान, इतर पक्षांच्या नगरसेवकांविरुद्धही सुरू असलेल्या याचिकांमुळे पालिकेतील अनेक नगरसेवकांच्या जागा अद्याप अनिश्चित आहेत. आगामी काळात आणखी काही नगरसेवकांची पदे रद्द होण्याची शक्यता वर्तवली जात आहे, ज्यामुळे मुंबई महापालिकेतील संख्याबळावरही परिणाम होऊ शकतो.

BMC corporator disqualification संदर्भातील महत्त्वाचे तपशील या वृत्तात दिले आहेत.

Accurate News Network - ANN

ANN – Accurate News Network
🟥 Truth First | Fast & Accurate Reporting

🌍 महाराष्ट्र तसेच भारत आणि जगभरातील ताज्या घडामोडी आता एका विश्वासार्ह प्लॅटफॉर्मवर.

ANN – Accurate News Network घेऊन येत आहे:

✔ Breaking News
✔ Political Updates
✔ Crime Reports
✔ Social & Viral Stories
✔ Entertainment & Sports
✔ Ground Reporting
✔ Live Updates