🚨 ‘ती माझी गर्लफ्रेंड आहे…’ म्हणत पोलिसांनाच दमदाटी; API ला थारने फरफटत नेल्याचा धक्कादायक आरोप

⚠️ साक्ष बदलण्यासाठी दबाव, पोलिसांना मारहाण आणि जीवे मारण्याची धमकी; महिला पोलीस कर्मचाऱ्यासह दोघांवर गुन्हा दाखल

वाशिम : वाशिममध्ये पोलिसांनाच धमकावणे, साक्ष बदलण्यासाठी दबाव टाकणे आणि सहाय्यक पोलीस निरीक्षकाला (API) थार गाडीने फरफटत नेल्याचा खळबळजनक प्रकार समोर आला आहे. या प्रकरणात एका महिला पोलीस कर्मचाऱ्यासह तिच्या मित्राविरोधात गंभीर कलमांखाली गुन्हा दाखल करण्यात आला आहे.

पोलीस हवालदार गजानन काळे यांच्या तक्रारीवरून विराज पाटील आणि महिला पोलीस अंमलदार शेख निलोफर यांच्याविरोधात वाशिम शहर पोलीस ठाण्यात गुन्हा दाखल करण्यात आला आहे.

साक्ष बदलण्यासाठी दबाव

मिळालेल्या माहितीनुसार, महिला पोलीस अंमलदार शेख निलोफर यांच्या विभागीय चौकशीसंदर्भात पोलीस हवालदार गजानन काळे आणि हेड कॉन्स्टेबल राजेश राठोड हे साक्ष देण्यासाठी सहाय्यक पोलीस अधीक्षक कार्यालयात गेले होते.

साक्ष देऊन बाहेर पडताच कार्यालयासमोर उभ्या असलेल्या काळ्या रंगाच्या विनानंबर थारमधून विराज पाटील याने त्यांना थांबवले. त्यानंतर शेख निलोफरकडे इशारा करत “आमच्या मॅडमच्या बाजूने साक्ष द्या” असा दबाव टाकल्याचा आरोप आहे.

“ती माझी गर्लफ्रेंड आहे…”

हवालदार काळे यांनी विरोध केल्यानंतर विराज पाटील याने अर्वाच्य भाषेत शिवीगाळ सुरू केली. यावेळी “ती माझी गर्लफ्रेंड आहे” असे सांगत पोलिसांनाच धमकावल्याचा आरोप तक्रारीत करण्यात आला आहे.

API ला फरफटत नेल्याचा आरोप

प्रकरण चिघळत असल्याचे लक्षात येताच सहाय्यक पोलीस निरीक्षक जितेंद्र आडोळे आणि पोलीस कर्मचारी अभिजित बांगर घटनास्थळी दाखल झाले. त्यांनी विराजला समजावण्याचा प्रयत्न केला.

मात्र, वाद अधिक वाढला. याचदरम्यान शेख निलोफर गाडीत बसल्याचा आणि विराजला तेथून निघून जाण्यास सांगितल्याचा आरोप आहे. त्यानंतर विराजने अचानक गाडीची काच वर घेतली. त्यामुळे API जितेंद्र आडोळे यांचा हात काचेत अडकला.

तरीही आरोपीने थार भरधाव वेगाने चालवली आणि API आडोळे यांना काही अंतर फरफटत नेल्याचा गंभीर आरोप तक्रारीत करण्यात आला आहे.

पोलिसांत गुन्हा दाखल

या घटनेनंतर पोलीस हवालदार गजानन काळे यांच्या तक्रारीवरून विराज पाटील आणि महिला पोलीस अंमलदार शेख निलोफर यांच्याविरोधात विविध कलमांन्वये गुन्हा दाखल करण्यात आला आहे. प्रकरणाचा पुढील तपास सुरू आहे.

या घटनेमुळे वाशिम पोलीस दलात एकच खळबळ उडाली असून, पोलिसांनाच लक्ष्य करण्याचे धाडस करणाऱ्या आरोपींविरोधात कठोर कारवाईची मागणी होत आहे.

Accurate News Network - ANN

ANN – Accurate News Network
🟥 Truth First | Fast & Accurate Reporting

🌍 महाराष्ट्र तसेच भारत आणि जगभरातील ताज्या घडामोडी आता एका विश्वासार्ह प्लॅटफॉर्मवर.

ANN – Accurate News Network घेऊन येत आहे:

✔ Breaking News
✔ Political Updates
✔ Crime Reports
✔ Social & Viral Stories
✔ Entertainment & Sports
✔ Ground Reporting
✔ Live Updates