मोठा ट्विस्ट! ठाकरे गटाच्या बंडखोर खासदार प्रकरणात नवा पेच; अजूनही गेम उद्धव ठाकरेंच्याच हातात?
6 खासदार फुटल्याच्या चर्चांदरम्यान संजय देशमुख आणि संजय दिना पाटील यांचे मोठे विधान; राजकीय वर्तुळात पुन्हा संभ्रम
मुंबई | प्रतिनिधी
शिवसेना (उद्धव बाळासाहेब ठाकरे) गटातील सहा खासदार फुटल्याच्या चर्चेमुळे महाराष्ट्राच्या राजकारणात मोठी खळबळ उडाली असतानाच या प्रकरणात आता नवा ट्विस्ट समोर आला आहे. ठाकरे गटातील काही खासदारांनी पक्ष सोडून स्वतंत्र गट स्थापन करण्याच्या हालचाली सुरू केल्याची चर्चा रंगली असली, तरी संबंधित खासदारांनीच याबाबत वेगळी भूमिका मांडल्याने राजकीय समीकरणे पुन्हा एकदा बदलण्याची शक्यता निर्माण झाली आहे.
गेल्या काही दिवसांपासून ठाकरे गटातील 9 पैकी 6 खासदार वेगळा गट स्थापन करण्याच्या तयारीत असल्याच्या बातम्या समोर येत आहेत. हिंगोलीचे खासदार नागेश पाटील आष्टीकर, शिर्डीचे भाऊसाहेब वाकचौरे, उत्तर-पूर्व मुंबईचे संजय दिना पाटील, वाशिमचे संजय देशमुख, धाराशिवचे ओमराजे निंबाळकर आणि परभणीचे संजय जाधव या नावांची चर्चा सुरू आहे.
दुसरीकडे, अरविंद सावंत, राजाभाऊ वाजे आणि अनिल देसाई हे खासदार अजूनही उद्धव ठाकरे यांच्यासोबत ठाम असल्याचे मानले जात आहे.
मात्र या सर्व घडामोडींमध्ये खासदार संजय देशमुख यांनी मोठे विधान करत चर्चांना वेगळे वळण दिले आहे. “असे काहीही घडलेले नाही. आम्ही कोणत्याही गटात गेलेलो नाही,” असे स्पष्ट वक्तव्य त्यांनी केले. त्याचप्रमाणे संजय दिना पाटील यांनीही तत्सम भूमिका घेतल्याने सहा खासदार फुटल्याच्या चर्चांवर प्रश्नचिन्ह निर्माण झाले आहे.
या वक्तव्यांमुळे राजकीय वर्तुळात पुन्हा एकदा संभ्रमाचे वातावरण निर्माण झाले असून, प्रत्यक्षात कोण कोणासोबत आहे याबाबत स्पष्टता अद्याप आलेली नाही. दरम्यान, या घडामोडींमुळे ‘मातोश्री’वरील हालचालींनाही वेग आल्याचे बोलले जात आहे.
राजकीय सूत्रांच्या माहितीनुसार, पुढील 24 तास अत्यंत महत्त्वाचे ठरणार असून गुरुवारी या संपूर्ण प्रकरणाचे चित्र अधिक स्पष्ट होण्याची शक्यता आहे. त्यामुळे ठाकरे गटाला बसलेला धक्का कायम राहणार की शेवटच्या क्षणी गेम पलटणार, याकडे संपूर्ण राज्याचे लक्ष लागले आहे.
ANN – Accurate News Network
🟥 Truth First | Fast & Accurate Reporting
🌍 महाराष्ट्र तसेच भारत आणि जगभरातील ताज्या घडामोडी आता एका विश्वासार्ह प्लॅटफॉर्मवर.
ANN – Accurate News Network घेऊन येत आहे:
✔ Breaking News
✔ Political Updates
✔ Crime Reports
✔ Social & Viral Stories
✔ Entertainment & Sports
✔ Ground Reporting
✔ Live Updates
